السلام عليكم
بما ان خير الكلام ما قل ودل
فهم 3 معلومات كفايه قوي
ويارب نستفيد منهم
هاسالك 3 اسئله بس
وشوف ردك عليهم ايه الاول
وبعد كده شوف الرد اللي في الموضوع
السؤال الاول
اكيد كلنا ساعات بنشعر بصداع
فيه ناس بتقدر تتحمل من غير ماتاخد اي دوا
واخرون بيكون عندهم الالم جامد وبيضطروا ياخدوا ادوية
انت بقي
لما بيجيلك صداع واضطريت تاخد دوا
يا تري بتاخد دوا ايه؟
السؤال التاني
لو طفل صغير قريبك مثلا ابنك اخوك او..او...
تعب ولقيته سخن (بعد الشر يعني) وعنده دور السخونة والبرد والقئ اللي كتير بيحصل للاطفال
ومرحتش بيه للدكتور لاي ظرف
او اديته دوا معين لحد ما توصل للدكتور
يا تري هاتديله دوا ايه؟
السؤال التالت:
لو فيه حد كبير مثلا فوق الستين (جدك او جدتك او.......او..... - اي شخص يعني)
ولقيته جسمه مليان وعنده ضغط مرتفع وبيتنرفز كتير
او مثلا عنده الم في المفاصل (خشونة مثلا او روماتزم ودايما بيتالم)
يا تري ممكن ياخد دوا ايه وهو في البيت؟
اجابة الاسئلة بقي
السؤال الاول
لو كنت بتاخد مسكنات للصداع زي(كيتوفان او بروفين او كيتو بروفين او حتي اسبرين ريفو)او اي اسم تاني يكون من المسكنات الغير ستيرودية
فاحذر
وياريت متكررش تجربتك وتاخد الادوية دي تاني من نفسك ابدا
عارف ليه
لان الادوية دي بتبوظ حاجتين
الكلية (ممكن تعمل حاجات كتير قد تنتهي بالتهاب او فشل كلوي في بعض الاحيان)
كمان المعدة (دي سبب من الاسباب الرئيسية لقرحة المعدة)
طيب لو جالك صداع ممكن تاخد ايه؟
دوا اسمه الباراسيتامول او ابيمول
ممكن تحس ان تاثيره اقل من الكيوفان شوية
لانه اساسا خافض للحرارة ثم مسكن والكيتوفان هو العكس مسكن ثم خافض للحرارة
بس خد بالك ان ده بردوا هايريحك (مش هايفضل فيه الم خالص ان شاء الله)
وكمان امن امن امن ومتخافش منه خالص
السؤال التاني
باختصار
اوعي اوعي تدي طفل صغير اسبرين (خطر موووووووت)
لان الاعراض اللي كانت في السؤال ممكن تكون اعراض عدوي فيروسية
والاسبرين في الاطفال مع انواع معينه من العدوي الفيروسية
ممكن يعمل حاجة اسمها (متلازمة راي) ودي حاجة خطيرة جدا لو حصلت _ بس الحمد لله هي نادرة الحدوث) ودا من ستر ربنا
طيب تديله ايه؟
االامن
دوا اسمه (دولفين )ودا لبوس عبارة عن باراسيتامول
فيه منه تركيزات وجرعات حسب عمر الطفل
اكيد ناس كتير عارفاه
دا امن امن جدا وفعال بطريقة هايلة
السؤال التالت:
ينصح لكبار السن اللي بيعانوا من سمنة مع ضغط مرتفع
انهم ياخدوا كل يوم قرص اسبرين ريفو او حتي نصف قرص
لانه بيعمل سيولة في الدم فبيقلل حدوث الجلطات وخاصة الجلطات الدماغية المفاجئة
بس اهم حاجة ياخدوه بعد الاكل (اوعي حد ياخده علي معدة فاضيه
علشان القرحة ماتحصلش
وكمات هو المسكن رقم واحد للالام الروماتيزمية
وفيه منه امبولات حقن تستخدم في حالات الم المفاصل الشديد زي الكاتافلام والدولفين كيه
لو حد خايف علي المعدة
ملحوظة:الاسبرين من اعظم الادوية التي تم اكتشافها علي مر العصور
بس اهم حاجة مايكونش اسخدام اهوج وبدون ضوابط
وزي ما بيقولوا الشئ اللي بيزيد عن حده بيتقلب لضده
ونصيحة
بلاش حد ياخد ادوية علي الفاضي والمليان وبدون داعي
وياريت متكررش الروشتات من نفسك
او تاخد روشتة واحد جارك كان عنده نفس الاعراض
لان ده غلط جدا
يارب تكون استفدتوا
ومايكونش الموضوع دمه تقيل
والسلام عليكم
الأربعاء فبراير 24, 2010 7:47 pm
